Rýslan Dálenov jergilikti bıýdjetter 400 mlrd teńgege kóbeıtiletindigin aıtty

NUR-SULTAN. QazAqparat – QR Ulttyq ekonomıka mınıstri Rýslan Dálenov 2020 jyldan bastap jergilikti bıýdjetterge shaǵyn jáne orta bıznesten túsetin korporatıvtik tabys salyǵy 400 mlrd teńge bolatynyn aıtty , dep habarlaıdy QazAqparat tilshisi.

«Zań jobasy boıynsha shaǵyn jáne orta bıznesten túsetin korporatıvtik tabys salyǵy tolyq kólemde jergilikti bıýdjetterge beriledi. Qazirgi tańda bul salyq túri tolyqtaı respýblıkalyq bıýdjetke aýdarylýda. Búginde korporatıvtik tabys salyǵynyń jalpy kólemi 1 trln 600 mlrd teńgeni qurap otyr. Osynyń ishinde shaǵyn jáne orta bıznesten túsetin korporatıvtik tabys salyǵy 400 mlrd teńgege jýyq. Bul qarjy endi jergilikti bıýdjetterge beriledi», - dedi mınıstr QR Parlamenti Májilisiniń jalpy otyrysynda

Onyń atap ótýinshe, bul qadam jergilikti ekonomıkany damytýǵa, yntalandyrýǵa yqpal etpek.

«Jergilikti bıýdjetter jyl saıyn 400 mlrd teńgege artatyn bolady. Bul qomaqty qarjy eleýli túrde áser etedi», - dedi Rýslan Dálenov.

Budan buryn habarlanǵandaı, búgin Májilistiń jalpy otyrysynda 2020 jyldan bastap jergilikti bıýdjetterge shaǵyn jáne orta bıznesten túsetin korporatıvtik tabys salyǵyn berýdi eskeretin zań jobasy birinshi oqylymda maquldandy.

Respýblıkalyq bıýdjetke iri kásipkerlik sýbektilerinen ǵana korporatıvtik tabys salyǵynyń túsimderi túsetin bolady.