Rýslan Dálenov: Sarapshylar keńesine kadrlyq rezerv múshelerin tartýdy kózdep otyrmyz
Ulttyq ekonomıka mınıstri eń aldymen memlekettik organdardyń negizgi qyzmeti týraly jáne Prezıdenttiń 2020 jylǵy 1 qyrkúıektegi Qazaqstan halqyna Joldaýyn iske asyrý baǵytyndaǵy basym mindetterge toqtaldy.
«Memleket basshysynyń halyqqa Joldaýynda ekonomıkaǵa erekshe mán berilgen. Sonyń ishinde eń mańyzdysy ekonomıkany qazirgi jaǵdaı talabyna saı damytý. Bul oraıda shaǵyn jáne orta bıznesten bastap, óndiris saıasaty ekonomıkasyn damytýdyń 10 negizgi baǵyty bar. Onyń barlyǵy jańa ekonomıkalyq baǵyt bolyp esepteledi», - dedi Rýslan Dálenov.
Sondaı-aq, vedomstvo basshysy mınıstrlik qurylymyn jaqsartý maqsatynda sarapshylar keńesi qurylǵandyǵy jóninde jáne halyq únine qulaq asatyn memleket ıdeıasyn ilgeriletý týraly sóz qozǵady.
«Biz mınıstrlikte basqarýshylyq keńesin qurdyq. Onyń quramyna bizden 3 ókil jáne sarapshylar qoǵamynan 3 ókil kirdi. Ondaǵy maqsat – dırektorlar, mınıstrliktiń jaýapty ókilderi sarapshylar keńesi aldynda bizde júrgizilip jatqan reformalar týraly esep berý jáne olardan keri baılanys alý. Osy oraıda bizge sarapshylar keńesine prezıdenttik jastar kadrlyq rezerviniń múshelerin de tartý ıdeıasy keldi», - dedi elimizdiń bas ekonomısi.
Mınıstrdiń aıtýynsha, aldaǵy ýaqytta korporatıvtik basqarýdy jetildirý jáne kvazımemlekettik sektordy reformalaý boıynsha tyń usynystar ázirlenedi.
«Strategııalyq ınvestıtsııalyq kelisim jasaýdyń jańa tetikteri engiziledi. ıAǵnı ınvestıtsııalyq jobalardy iske asyrýda qarjylaı jáne qarjysyz qoldaý sharalarynyń biryńǵaı paketin usyný degen sóz. Investıtsııalyq jobany iske asyrýdyń barlyq kezeńinde zańnamalyq talaptardyń mańyzdylyǵyn umytpaǵan jón», - deıdi ol.
Onyń málimdeýinshe, ShOB pen ekonomıkanyń basqa da zardap shekken salalaryn qoldaý sharalary jalǵasyn tabady.
«Bıznestiń jol kartasy – 2025» memlekettik baǵdarlamasynyń jańa baǵyty aıasynda ShOB-qa berilgen kredıtter boıynsha syıaqy mólsherlemesi sýbsıdııalanady. Bul sońǵy protsenttik mólsherlemeni jyldyq 6% -ke deıin jetkizedi. Mundaı sýbsıdııalar tótenshe jaǵdaı jarııalanǵan sátten bastap 12 aılyq kezeńdi qamtıdy», - dedi R. Dálenov.
