Rýslan Dálenov: «Qarapaıym zattar ekonomıkasy» baǵdarlamasy jetildirildi
NUR-SULTAN. QazAqparat - «Qarapaıym zattar ekonomıkasy» baǵdarlamasyn jetildirý boıynsha birqatar shara qabyldandy. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.
«Bıyl «Qarapaıym zattar ekonomıkasy» baǵdarlamasyn jetildirý boıynsha birqatar shara qabyldandy. Birinshiden, beriletin memlekettik kepildik mólsheri ulǵaıtyldy. Kepildik berý merzimi 2 ese qysqartyldy jáne agroónerkásiptik keshen óndirisi jobalary úshin kepildik kózdeldi. Ekinshiden, baǵdarlama merzimin 2021-shi jyldyń sońyna deıin uzarta otyryp, kredıtteýdiń jalpy kólemi 1 trln teńgege ulǵaıtyldy. Kredıtteýdi ulǵaıtý úshin árbir ekinshi deńgeıdegi bankter lımıti arttyryldy«, - dedi mınıstr.
Onyń aıtýynsha, úshinshiden, kredıtteýdi ulǵaıtý maqsatynda ekonomıkalyq qyzmet túrleri keńeıtildi.
«Sondaı-aq «Qazaqstan damý banki» AQ arqyly óńdeýshi óndiristerdi qarjylandyrý ulǵaıtyldy», - dedi ol.
