Rýslan Dálenov ekonomıka ósimin qamtamasyz etýde qandaı sharalarǵa nazar aýdarý qajettigin aıtty

NUR-SULTAN. QazAqparat - 2019 jyldyń qorytyndysynda ekonomıkanyń ósýin qamtamasyz etý úshin jergilikti jerde azyq-túlik taýarlarynyń baǵasyn erekshe baqylaýǵa alý qajet. Bul týraly búgin Úkimet otyrysynda elimizdiń 10 aıdaǵy áleýmettik-ekonomıkalyq damý qorytyndysy jaıynda baıandaǵan Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Jyl qorytyndysy boıynsha ekonomıkanyń ósýin qamtamasyz etý úshin ortalyq jáne jergilikti atqarýshy organdar mynadaı sharalarǵa basa nazar aýdarýy qajet. Birinshi, ekonomıkanyń bazalyq salalarynda jáne óńirlerde qol jetkizilgen ósý qarqynyn tómendetpeý kerek. Ekinshi, óńirler jergilikti jerde azyq-túlik taýarlarynyń baǵasyn erekshe baqylaýǵa alýy qajet», - dedi ol.

Mınıstrdiń aıtýynsha, úshinshi, qurylys nysandaryn merziminde aıaqtaýdy qamtamasyz etken jón.

«Tórtinshi, ınvestıtsııalyq jobalar boıynsha bıýdjet qarajatynyń tolyq ıgerilýin qamtamasyz etý kerek», - dedi R.Dálenov.