Rýslan Dálenov daǵdarystan ekonomıkanyń qaı salalary zardap shekkenin aıtty
«Barlyq elder qıyndyqtarǵa tap boldy. Esepteýlerge sáıkes, qańtar aıynda 160 el ekonomıkalyq ósimdi boljaǵan edi, al úsh aıdan keıin 170 memleket atalǵan kórsetkish tómendeıtinin jarııalady. Halyqaralyq sarapshylar qazirgi jahandyq daǵdarys ózgeshe ekenin moıyndady, ıaǵnı tutynýshylar da, óndirýshiler de shektelip otyr», - dedi R. Dálenov onlaın rejımde halyq aldynda esep berý barasynda.
Onyń sózine qaraǵanda, Qazaqstanda kóbine qyzmet kórsetý sektory zardap shekti. Bul turǵyda saýda, kólik, týrızm, qoǵamdyq tamaqtaný jelisi, kınoteatrlar, qonaq úıler tabysynan qaǵyldy. Osy oraıda azyq-túlik ótkizetin oryndar men dárihanalardan basqa saýda baǵytynyń qyzmeti baıaýlady.
«Muny sáýir aıyndaǵy statıstıkadan baıqaýǵa bolady. Sondyqtan dál osy salalarǵa qosymsha salyq yntylandyrýlary usynyldy. Jalpy, shaǵyn jáne orta bıznes pen óńdeýshi iri bıznes úshin nesıeleý tetigi keńeıtildi. Keshendi josparda tıisti sharalar eskerilgen. Osy oraıda sharalardyń qolaıly paketi júzege asyrylyp jatyr dep esepteımin», - dedi mınıstr.
