Rýslan Dálenov aýyldardyń jaǵdaıyn kóterýdiń qadamdaryn aıtty
«Aýyl-El besigi» jobasy boıynsha aýyldardy jańǵyrtý jalǵasady. Bıylǵy jyly 216 aýyl qamtylady. Osy oraıda aýyl mektepterin, sport keshenderin, ambýlatorııa, joldardy, jaryqtandyrý júıesi men ınjenerlik jelilerdi salý men jóndeý júrgiziledi», - dedi mınıstr Úkimet úıindegi baspasóz máslıhatynda.
Sonymen qatar bul baǵyttaǵy jumystar 2021 jyly da jalǵasady.
«Aýyl okrýgteriniń qarjylyq jaǵdaıy kúsheıtiledi. Kiristerdiń bir bóligi okrýgterdiń bıýdjetine tapsyrylady. Sáıkesinshe, aýyl turǵyndary jergilikti qoǵam jınalystary arqyly eleýli máselelerdi sheshetin bolady. Jalpy, 2353 aýyl okrýgi úshin qarjylyq múmkindik artady. Sonymen birge, jergilikti ózin-ózi basqarýdy damytýdyń jańa tujyrymdamasy ázirlenedi. Onda aýyl ákimderin saılaý, máslıhattar ókilettigin keńeıtý qamtylady. Atap aıtqanda, okrýg bıýdjetin qalyptastyrýda aýyl turǵyndaryn belsendi qatystyrý eskerilgen. Bul jumystar óńirlerdiń ekonomıkalyq múmkindikterin kóterýge jol ashady», - dedi Rýslan Dálenov.