Rýslan Dálenov aýylda qaı salanyń mamandary tapshy ekenin aıtty

NUR-SULTAN. QazAqparat – QR Ulttyq ekonomıka mınıstri Rýslan Dálenov bıýdjettiń IV deńgeıi engizilgen 1055 aýyldyq okrýgte qaı salanyń mamandary tapshy ekenin aıtty, dep habarlaıdy QazAqparat tilshisi.

«Kadrlyq qamtamasyz etý jergilikti ózin-ózi basqarý bıýdjetin engizý úshin óte mańyzdy bolyp sanalady. Bıýdjeti bar 1055 aýyldyq okrýgtiń shtat sany 8 173 birlikti quraıdy. Onyń ishinde tek 5,6 paıyzy bos oryn bolyp otyr (460 birlik).

Bul rette aýyldyq okrýgterdiń úshten bir bóligi (31%) zańgerlerge, al 4%-y býhgalterlerge muqtaj. Jalpy, aýyldyq okrýgter úshin bekitilgen lımıt sheginde kadrlarmen qamtamasyz etý jaman emes. Sonymen qatar, bıýdjettiń engizilýin eskere otyryp, aýyldyq okrýgter kadrlardyń jetispeýshiligi bar», - dedi vedomstvo basshysy Parlament Májilisindegi Úkimet saǵatynda.

Onyń sózine qaraǵanda, orta eseppen aýyldyq ákimder apparattarynyń shtat sany 5-ten 20-ǵa deıin birlikti quraıdy.

«Qazirgi ýaqytta olardyń sanyn arttyrý úshin halyqtyń júktemesi men sanyn eskere otyryp, óńirlerdiń ishinde shtat birlikterin qaıta bólý jolymen oblys ákimderimen jumys júrgizilýde», - dep túsindirdi Rýslan Dálenov.

Budan buryn habarlanǵandaı, 2018 jylǵy 1 qańtardan bastap bıýdjettiń IV deńgeıi halyq sany 2 myńnan asatyn 1055 aýyldyq okrýgte engizildi.

Bul qazirgi barlyq aýyldyq okrýgterdiń 44 paıyzyn quraıdy. 2020 jyldan bastap qalǵan 1 338 aýyldyq okrýgte engiziletin bolady.

QR Ulttyq ekonomıka mınıstri Rýslan Dálenov aýyldyq okrýgterdiń óz kiristerin ósirýge áser etken úsh faktordy atady.