Rýslan Berdenovtiń Májilistegi ókilettigi toqtatyldy

ASTANA. KAZINFORM –  Búgin Parlament Májilisiniń jalpy otyrysynda Rýslan Berdenovtiń depýtattyq ókilettigi toqtatyldy.

- Shymkent qalasy ákiminiń 2025 jylǵy 24 aqpandaǵy ókiminiń Parlament Májilisiniń depýtaty Rýslan Arysbekuly Berdenov Shymkent qalasy ákiminiń orynbasary qyzmetine taǵaıyndaldy. Osyǵan oraı QR Ortalyq saılaý komıssııasy R. Berdenovtiń ókilettin merziminen buryn toqtatý týraly usynym engizip otyr, - dedi OSK múshesi Asylbek Smaǵulov.

Palata otyrysynda depýtattyń ókilettigin toqtatý jónindegi qaýly qabyldady.

Budan buryn habarlanǵandaı, jaqynda Rýslan Berdenov Shymkent qalasy ákiminiń orynbasary qyzmetine taǵaıyndaldy.

Rýslan Berdenov Shymkent qalasynyń týmasy. 39 jasynda memlekettik qyzmet pen bıznesti mol tájirıbesi bar.

Qazaq, aǵylshyn, orys, túrik, azerbaıjan tilderinde erkin sóıleıdi.

Bilimi joǵary, 2006 jyly menedjment mamandyǵy boıynsha ál-Farabı atyndaǵy Qazaq ulttyq ýnıversıtetin bitirgen. 2009 jyly KIMEP Ýnıversıtetin Іskerlik basqarý magıstri (MBA) dárejesimen bitirdi.

2023 jylǵy naýryzdan bastap VIII saılanǵan Qazaqstan Respýblıkasy Parlamenti Májilisiniń depýtaty «Respublica» partııasynyń partııalyq tizimi boıynsha saılandy.