Rýslan Berdenov jańa qyzmetke taǵaıyndaldy

ALMATY. KAZINFORM – Almaty qalasyn damytý ortalyǵynyń basshysy retinde Rýslan Berdenov taǵaıyndaldy. 

Bul aqparatty Almaty qalasynyń ákimdigi rastady.

Eske salaıyq, «Almaty qalasyn damytý ortalyǵy» aktsıonerlik qoǵamy Almaty qalasy ákimdiginiń 2008 jylǵy 30 mamyrdaǵy № 2/331 qaýlysyna sáıkes 100% memleket qatysýymen quryldy. Ortalyq maqsaty — Almaty qalasynyń turaqty áleýmettik-ekonomıkalyq damýyna járdemdesý. 

Rýslan Berdenov 2023 jyldyń naýryzynan 2025 jyldyń aqpan aıyna deıin Qazaqstan Respýblıkasy Parlamenti VIII shaqyrylymynyń depýtaty, Qarjy jáne bıýdjet komıtetiniń múshesi boldy.

Bıyl aqpan-tamyz aılary aralyǵynda ol Shymkent qalasy ákiminiń orynbasary qyzmetin atqardy.

21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. Ol jaraqat alyp, aýrýhanaǵa tústi.

Qylmystyq ister jónindegi aýdanaralyq sotta Shymkent qalasy ákiminiń orynbasary Rýslan Berdenovke qastandyq jasaýǵa qatysty rezonanstyq is boıynsha úkim shyǵaryldy. Sot úkimimen Ernar Jıembaı 9 jylǵa bas bostandyǵynan aıyryldy.