Rýslan Berdenov Shymkent qalasy ákiminiń orynbasary qyzmetinen ketti

ShYMKENT.KAZINFORM – Rýslan Berdenov óziniń ótinishi boıynsha Shymkent qalasy ákiminiń orynbasary qyzmetinen ketti. Bul týraly Shymkent qalasy ákimdiginiń baspasóz qyzmeti málimdedi.

Ol bul qyzmetti osy jyldyń aqpan aıynan beri atqaryp kelgen.

Rýslan Berdenov 1985 jyldyń naýryz aıynda Shymkent qalasynda dúnıege kelgen. Ál-Farabı atyndaǵy Qazaq ulttyq ýnıversıtetin jáne KIMEP ýnıversıtetin «Іskerlik basqarý magıstri, qarjylyq menedjment mamany» mamandyǵy boıynsha támamdaǵan.

Eńbek jolyn 2007 jyly «Procter & Gamble LLP» kompanııasynda bastaǵan.

2010-2012 jyldary «EASTCOMTRANS» JShS-niń jyljymaly quramdy jalǵa berý departamentiniń dırektory, 2012-2018 jyldary «Aq nıet» JShS-niń bas dırektory, 2018-2019 jyldary «Aq nıet» JShS-niń baqylaý keńesiniń múshesi, 2019-2023 jyldary «Aq Niet Group» baqylaý keńesi tóraǵasynyń orynbasary qyzmetterin atqardy.

2023 jyldyń naýryzynan qala ákiminiń orynbasary bolyp taǵaıyndalǵanǵa deıin Qazaqstan Respýblıkasy Parlamenti VIII shaqyrylymynyń depýtaty, Qarjy jáne bıýdjet komıtetiniń múshesi boldy.

Aıta keteıik, budan buryn Rýslan Berdenovke jasalǵan qastandyq týraly is sotqa joldanǵanyn jazǵan bolatynbyz.

21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. Ol jaraqat alyp, aýrýhanaǵa tústi.

Qylmystyq ister jónindegi aýdanaralyq sotta Shymkent qalasy ákiminiń orynbasary Rýslan Berdenovke qastandyq jasaýǵa qatysty rezonanstyq is boıynsha úkim shyǵaryldy.

Sot úkimimen Ernar Jıembaı 9 jylǵa bas bostandyǵynan aıyryldy.