Rýslan Berdenov isi: Shymkentte apellıatsııalyq sot bastaldy

ShYMKENT. KAZINFORM - Eki tarap ta úkimniń qaıta qaralýyn talap etip otyr.

Shymkent qalalyq sotynda burynǵy qala ákiminiń orynbasary Rýslan Berdenovke qastandyq jasaý isi boıynsha sottalǵan Ernar Jıembaıdyń apellıatsııalyq shaǵymyn qaraý bastaldy.

Protseske tóraǵalyq etýshi — sýdıa Báıdibek Dıýsebekov. Al sot alqasynyń quramyna sýdıalar Dáýren Saıhanov pen Erkebulan Týleshov kirdi.

Ernar Jıembaıdyń qorǵaý tarapy sot úkimin jeńildetýdi talap etip otyr. Olar 9 jylǵa bas bostandyǵynan aıyrý jazasyn bas bostandyǵyn shekteý jazasymen aýystyrýdy suraıdy.

Advokattardyń aıtýynsha, olardyń qorǵaýyndaǵy azamattyń adam óltirýge nıeti bolmaǵan, ol tek Berdenovti qorqytqysy kelgen.

Kerisinshe, jábirlenýshi tarap jazany kúsheıtýdi talap etip otyr. Rýslan Berdenovtiń múddesin qorǵaýshy Jeńis Tynybek taǵaıyndalǵan jaza qylmystyń aýyrlyǵyna saı kelmeıdi dep sanaıdy.

Aıta keteıik, budan buryn Rýslan Berdenovke jasalǵan qastandyq týraly is sotqa joldanǵanyn jazǵan bolatynbyz.

21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. Ol jaraqat alyp, aýrýhanaǵa tústi.

Qylmystyq ister jónindegi aýdanaralyq sotta Shymkent qalasy ákiminiń orynbasary Rýslan Berdenovke qastandyq jasaýǵa qatysty rezonanstyq is boıynsha úkim shyǵaryldy.

Sot úkimimen Ernar Jıembaı 9 jylǵa bas bostandyǵynan aıyryldy.