Rýslan Berdenov isi: Prokýror aıypkerge 11 jyl 3 aı bas bostandyǵynan aıyrý jazasyn surady
ShYMKENT. KAZINFORM – Shymkent qalasy ákiminiń orynbasary Rýslan Berdenovke jasalǵan qastandyq isi boıynsha sotta taraptardyń jaryssózi bastaldy.
Alǵash bolyp sóz alǵan memlekettik aıyptaýshy Baýyrjan Qaramanov oqıǵanyń mán-jaıyna toqtalyp, sottalýshy Ernar Jıembaıdyń kinási kýágerlerdiń aıǵaqtary jáne ózge de dáleldermen tolyq dáleldengenin aıtty.
Prokýrordyń málimdeýinshe, jábirlenýshige qasaqana oq atqan Jıembaıdyń áreketi QR QK 24-babynyń 3-bóligi jáne 99-babynyń 1-bóligimen durys saralanǵan. Ol qyzmettik kıkiljińnen týyndaǵan óshpendilikpen Berdenovke qaraı bes ret oq atqan. Degenmen, qylmystyq áreketin sońyna deıin júzege asyra almaǵan.
Aıyptaýshynyń aıtýynsha, Jıembaıdyń áreketin jeńildetetin mán-jaı retinde onyń kámeletke tolmaǵan balalarynyń bolýy eskerilip otyr. Al aýyrlatatyn mán-jaı – qylmysty masań kúıde jasaǵany. Medıtsınalyq saraptama qorytyndysy da sottalýshynyń jeńil dárejede mas bolǵanyn kórsetken.
– QR QK 99 babynyń 1 bóligine sáıkes, adamdy qasaqana óltirý qylmystyq áreketi úshin 8-15 jylǵa deıin merzimde bas bostandyǵynan aýyrý jazasy kózdelgen. Alaıda Jıembaıdyń jasaǵan qylmysy qasaqana óltirýge oqtalý dep aıyp taǵylyp otyr. ıAǵnı, QR QK 24 babynyń 3 bóligi arqyly. Al, QR QK 56 babynyń 3 bóligine sáıkes qylmysqa oqtalǵany úshin jazanyń merzimin nemese mólsherin osy Kodekstiń Erekshe bóliginiń tıisti babynda aıaqtalǵan qylmys úshin kózdelgen jazanyń negizgi túriniń eń joǵary merziminiń nemese mólsheriniń tórtten úshinen asyrýǵa bolmaıdy. Sottalýshy Jıembaıǵa taǵylǵan aıyp boıynsha osy jazanyń eń kóp mólsheri 15 jyl bolǵandyqtan, onyń tórtten úsh bóligi 11 jyl 3 aıdy quraıdy. Joǵarydaǵylardy eskere otyryp, sottalýshy Jıembaıdy, asa aýyr qylmys jasaǵan, ıaǵnı adamdy óltirýge qasaqana oqtalǵany sotta óz dálelin tapty dep eseptep, sottalýshy Jıembaıdy QR QK 24 babynyń 3 bóligi, 94 babynyń 1 bóligimen kináli dep tanyp, osy bappen oǵan 11 jyl 3 aı merzimge bas bostandyǵynan aıyrý jazasyn taǵaıyndaýdy suraımyn, – dedi prokýror.
Sonymen birge aıyptaýshy Jıembaıdan jábirlenýshilerge 30 AEK (118 890 teńge) óndirýdi surady.
Aıta keteıik, budan buryn Rýslan Berdenovke jasalǵan qastandyq týraly is sotqa joldanǵanyn jazǵan bolatynbyz.
21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. Ol jaraqat alyp, aýrýhanaǵa tústi.
Rýslan Berdenov aqpan aıynyń sońynda Shymkent qalasy ákiminiń orynbasary qyzmetine taǵaıyndalǵan.