«Run for Autism» jobasy 25 ınklıýzııa kabınetin ashýǵa múmkindik berdi
ASTANA. KAZINFORM — «Run for Autism» jyl saıynǵy qaıyrymdylyq júgirýleriniń qarajatyna 25 ınklıýzııany qoldaý kabıneti ashyldy.
19 qarasha kúni elordalyq № 59 «Aqqanat» balabaqshasynda Run for Autism jyl saıynǵy qaıyrymdylyq júgirýiniń qarajatyna jabdyqtalǵan ınklıýzııany qoldaý kabınetiniń ashylýy ótti. Bul kabınet 2023–2025 jyldar aralyǵynda Bolashak Charity qoǵamdyq qory balabaqshalarda, mektepterde jáne kolledjderde ashyp, qajetti qural-jabdyqtarmen qamtamasyz etken 25-kabınet boldy.
№ 59 «Aqqanat» bóbekjaıyndaǵy ınklıýzııany qoldaý kabınetinde (IKK) 2–5 jas aralyǵyndaǵy aýtızmi jáne basqa da mentaldyq erekshelikteri bar 5 bala qoldaý alady. Kabınette erekshe bilim berý qajettilikteri bar balalardyń áleýmettenýi, sóıleý, kommýnıkatsııalyq jáne turmystyq daǵdylary qalyptastyrylady. Balalar negizgi ýaqytyn óz qurdastarymen birge jalpy toptarda ótkizedi, al birneshe saǵat boıy pedagog-assıstenttermen birge ınklıýzııany qoldaý kabınetinde oqıdy. Kabınet komandasy 8 mamannan turady: kýrator — minez-qulyq taldaýshy, 5 pedagog-assıstent, psıholog jáne defektolog.
Іs-sharaǵa Run for Autism bastamasynyń demeýshileri men seriktesteri, ata-analar, blogerler jáne BAQ ókilderi qatysty.
Arnaıy jáne ınklıýzıvti bilim berýdi damytýdyń Ulttyq ǵylymı-praktıkalyq ortalyǵynyń (2024) derekterine sáıkes, Qazaqstanda aýtızmi bar 15 000-nan astam bala bar, olardyń shamamen 7 myńy — mektepke deıingi jasta. Beıresmı derekter boıynsha, eldegi aýtızmi bar balalardyń jalpy sany 35 000-nan asady. Resmı málimetterge sáıkes, Astanada erekshe bilim berý qajettilikteri (EBQ) bar 22 myńnan astam bala turady. 2015 jyldan beri Bolashak Charity qory elordada EBQ bar shamamen 500 bala men jasóspirimdi ınklıýzıvti bilimmen qamtydy.
№ 59 «Aqqanat» balabaqshasyndaǵy ınklıýzııany qoldaý kabıneti 2023–2025 jyldardaǵy Run for Autism qaıyrymdylyq júgirýleriniń qarajatyna Bolashak Charity qory ashqan jáne jabdyqtaǵan 25 kabınettiń biri sanalady. Run for Autism — aýtızm salasyndaǵy zertteýlerdi qoldaýǵa baǵyttalǵan halyqaralyq bastama. Júgirýler Nıý-Iork, London, Berlın, Chıkago jáne Pıttsbýrg sııaqty álemniń eń iri qalalarynda ótkiziledi. Qazaqstanda joba alǵash ret 2023 jyly Bolashak Charity qorynyń bastamasymen uıymdastyryldy. Bastamanyń maqsaty — qoǵamnyń nazaryn aýtızm men mentaldyq densaýlyq máselelerine aýdarý, sondaı-aq erekshe bilim berý qajettilikteri bar balalardy qoldaýǵa arnalǵan bilim berý baǵdarlamalaryna qarajat jınaý.
2023 jyldan beri Run for Autism júgirýlerine 6 443 adam qatysty, olardyń ishinde damý erekshelikteri bar 200-den astam bala boldy. Úsh jylda 42 348 444 teńge jınalyp, osy qarajatqa Astana jáne óńirlerdegi bilim berý uıymdarynda 25 ınklıýzııany qoldaý kabıneti ashyldy. Sonyń nátıjesinde 160-tan astam aýtızmi, DTsP, Daýn sındromy jáne basqa da damý erekshelikteri bar balalar men jasóspirimder kún saıyn qajetti qoldaý alyp otyr.
Jalpy, Bolashak Charity qory 10 jyl ishinde Qazaqstannyń 24 qalasynda 79 ınklıýzııany qoldaý kabınetin ashyp, 2 000-nan astam balalar úıiniń tárbıelenýshisin jáne aýtızmi men damý erekshelikteri bar 10 000-nan astam otbasyn qoldaý baǵdarlamalarymen qamtydy. Qor sonymen birge 1 000-nan astam balany úıden oqytý formasynan shyǵaryp, ınklıýzıvti ortaǵa kirýine múmkindik berdi.
Bolashak Charity qoǵamdyq qorynyń dırektory Azamat Bojaq 2026 jylǵy sáýirde Astanada tórtinshi Run for Autism marafony ótetinin alǵa tartty. Aıtýynsha, bul aýtızmi bar odan da kóp bala men jasóspirimdi qoldaýǵa múmkindik beredi.
— Run for Autism úsh qaıyrymdylyq júgirýiniń nátıjesinde jınalǵan qarajatqa Astana jáne Qostanaı oblysynyń Rýdnyı qalalary balabaqshalarda 21 ınklıýzııany qoldaý kabınetin, mektepterde 2 kabınetti jáne kolledjderde taǵy 2 kabınetti ashyp, qajetti qural-jabdyqtarmen qamtamadyq. Osylaısha 160-tan astam bala men jasóspirimge sapaly ınklıýzıvti bilim alýǵa múmkindik týdy. Bul kabınette aýtızmi, Daýn sındromy jáne basqa da damý erekshelikteri bar 5 bala bilim alady. Mamandardyń jumysyn qordyń minez-qulyq taldaýshysy súıemeldeıdi. IKK-de júrgiziletin sabaqtar balalardyń áleýmettený jáne oqý daǵdylarynyń jaqsarǵanyn kórsetip otyr. Erte qoldaýdyń mańyzy óte zor, óıtkeni ol balalardy mektep ortasyna daıyndaıdy. Balabaqshadaǵy erte kómek kórsetýden keıin erekshe balalardyń mektepke kelgende pedagog-assıstentterdiń kómeginsiz-aq oqýǵa beıimdele alǵan jaǵdaılary boldy. Bul ınklıýzııany qoldaý kabınetterin dál mektepke deıingi bilim berý uıymdarynda ashýdyń mańyzdylyǵyn dáleldeıdi. Sondaı-aq 2026 jylǵy sáýirde Astanada tórtinshi Run for Autism júgirýi ótetinin habarlaımyz, — dedi ol.
Budan buryn Túrkistan oblysynda aýtızmge shaldyqqan balalar kóbeıgeni habarlandy.