Rýmynııanyń eki oıynshysy «Ertis» fýtbol klýbymen kelisimshart jasasty
PAVLODAR. QazAqparat - Pavlodarlyq «Ertis» klýby rýmyndyq fýtbolshylar - jartylaı qorǵaýshy Dorý Popadıýk pen qorǵaýshy Adrıan Avramııamen kelisimshart jasady, dep habarlaıdy «QazAqparat» HAA tilshisi.
«Ertis» fýtbol klýby eki rýmyndyq oıynshy: 22 jastaǵy shabýylshy jartylaı qorǵaýshy Dorý Popadıýk jáne 25 jastaǵy qorǵaýshy Adrıan Avramııamen kelisimshart jasaǵanyn resmı túrle habarlaıdy», - dep málim etti klýbtyń baspasóz qyzmeti.
Belgili bolǵandaı, Dorý Popadıýk úshin «Ertistegi» oıyn onyń mansabyndaǵy alǵashqy legıonerlik tájirıbe bolmaq. Ol tek Rýmynııanyń joǵary fýtbol lıgasynda oınaǵan. Sońǵy eki maýsymda «Volýntarı» FK-nyń namysyn qorǵaǵan.
«Adrıan Avramııa ótken maýsymda Belarýstiń «Dınamo-Brest» klýbynda oınap, el kýbogyna ıe bolǵan. Osy komandanyń quramynda Eýropa Lıgasynyń ekinshi kezeńiniń eki matchyna da qatysqan», - dep atap ótti «Ertis» FK-da.
