Rýmynııadaǵy prezıdenttik saılaýda Vıktor Ponta óziniń jeńilgendigin moıyndady
ASTANA. QazAqparat - Klaýs Iohannıs ótken jeksenbide prezıdenttik saılaýdyń ekinshi kezeńinde 54,81 paıyz daýys jınady. Bıýlletenderdiń 76,53 paıyzynyń nátıjesin shyǵarǵan Rýmynııanyń Ortalyq saılaý bıýrosynyń bergen málimetteri osyndaı, dep habarlady TASS.
Ol 45,18 paıyz daýys jınaǵan óziniń qarsylasy - premer-mınıstr, Sotsıal-demokratııalyq partııasynyń jetekshisi Vıktor Pontadan óziniń aıtarlyqtaı basymdyǵyn saqtap qaldy. OSB daýys berýdiń qorytyndysyn tańǵa qaraı berýge ýáde berse de, Ponta resmı aqparatty kútpesten óziniń saılaýda utylǵanyn moıyndap, Iohannısti jeńisimen quttyqtady.
