Rýmynııada úsh kúndik qaraly kún jarııalandy
ASTANA. QazAqparat - Rýmynııa Premer-mınıstri Vıktor Ponta senbi kúni ótken úkimet otyrysynda Býharestegi túngi klýbta oryn alǵan órtke baılanysty ulttyq aza tutý jarııalady.
Eske salaıyq, Býhareste Colectivý túngi klýbyndaǵy jarylystan bolǵan órt saldarynan 200-ge jýyq adam zardap shekken, 27 adam kóz jumdy. Úkimet 31 qazan, 1,2 qarasha kúnderin ulttyq aza tutý kúnderi dep jarııalaý týraly qaýly etti, dedi Premer-mınıstr. Oqıǵadan zardap shekkender arasynda Ispanııa, Germanııa, Italııa elderiniń azamattary bar. Rýmynııa bıligi olardy óz elderine jetkizýdi qamtamasyz etpek. Qazirgi sátte Býharest aýrýhanalarynda 146 adam emdelýde, olardyń basym bóliginiń jaǵdaıyn dárigerler aýyr dep baǵalap otyr, dep habarlaıdy RIA Novostı.
