Rýmynııada prezıdent saılaýy ótedi
ASTANA.QazAqparat - Búgin Rýmynııada prezıdent saılaýy ótedi. Memlekettiń qazirgi basshysy Traıan Beseskýdyń jolyn jalǵastyratyn adamdy respýblıkanyń 18,2 mln. azamaty tańdaıdy, dep habarlaıdy sheteldik BAQ.
Prezıdenttikke 14 úmitker tirkelgen. Saılaý ýchaskeleri jergilikti ýaqyt boıynsha 07:00-de ashylyp, 21:00 kezinde jabylady. Jeńiske jetý úshin úmitkerlerge saılaýshylardyń 50 paıyzy daýys berý qajet. Bundaı bolmaǵan jaǵdaıda 16 qarasha kúni saılaýdyń ekinshi kezeńi ótedi. Oǵan eń kóp daýys jınaǵan eki úmitker qatysady.
