Rýmynııada ótip jatqan «Kógildir aspan-2010» áskerı oqý-jattyǵý sharasy kezinde áskerı tikushaq qulady
ASTANA. Shildeniń 27-si. QazAqparat - Rýmynııada CH-53 áskerı tikushaǵynyń apatqa ushyraýy saldarynan opat bolǵan tórt áskerıdiń denesi tabyldy.
Olardyń múrdesin apat ornyna kelgen qutqarýshylar taýyp aldy. Qutqarý qyzmetiniń aıtýynsha, tikushaq jerge qulaǵannan keıin órtenip ketken, dep habarlaıdy RBK jergilikti BAQ-qa silteme jasap.
Buǵan deıin habarlanǵandaı, áskerı tikushaq qulaǵan kezde, onyń ishinde alty Izraıl jaýyngeri men rýmyndyq ushqysh bolǵan. Áýe kóligi shamamen 2264 metrlik bıiktikten qulaǵan.
Oqıǵa Býharesten 120 shaqyrym qashyqtyqta oryn aldy. Apattyń sebebi anyqtalý ústinde, osyǵan qatysty qylmystyq is qozǵaldy.
Esterińizge sala keteıik, Izraıl jáne Rýmynııa «Kógildir aspan - 2010» dep atalatyn áskerı oqý-jattyǵý sharalaryna qatysýda. 11 kúnge sozylatyn daıyndyq sharalarynda áskerıler izdestirý-qutqarý isine jáne adamdardy qaýipsiz aımaqqa jetkizýmen aınalysýlary tıis bolatyn.
