Rýmynııada gaz quıý stantsııasynda jarylys bolyp, 50-den astam adam zardap shekti
BÝHAREST. TASS. QazAqparat – Rýmynııanyń Kreveda eldi mekenindegi suıytylǵan gaz quıý stantsııasynda qatarynan bolǵan eki jarylystan 1 adam mert bolyp, 50-den astamy jaraqat aldy, dep habarlaıdy QazAqparat reseılik TASS agenttigine silteme jasap.
Birinshi jarylys saǵat 19:00 kezinde bolǵan, onyń artynan órt shyǵyp, eki tsısterna men sol jerge jaqyn ornalasqan úı jandy. Osy eldiń densaýlyq saqtaý mınıstri Aleksandr Rafıldiń aıtýynsha, jarylys kezinde 7 adam kúıip qalǵan.
Osy oqıǵadan keıin shamamen eki saǵattan soń, taǵy bir jarylys bolyp, 26 órt sóndirýshi jaraqat aldy, dep jazdy ІІM tótenshe jaǵdaılar departamentiniń jetekshisi Raed Rafat.
Ol sondaı-aq jarylystar áli de bolýy múmkin ekenin aıtty.
Keshirek Digi24 telearnasy zardap shekkenderdiń sany 55-ke jetkenin jazǵan. Olardyń ishinde 8 adamnyń jaǵdaıy aýyr. Zardap shekkenderdiń arasynda apattan soń oqıǵa ornynda jumys istegen 39 órt sóndirýshi men 4 quqyq qorǵaý qyzmetkeri bar. Keminde 3 jarylys bolǵany aıtylyp jatyr.
Bılik ókilderi 300 metr qashyqtyqtaǵy turǵyndardy evakýatsııalap, qoıý tútin tarap jatqanyn jáne ol Býharstke qaraı jaıylyp bara jatqanyn eskertti. Qala mańynda aýanyń lastanǵany baıqaldy. Turǵyndarǵa, terezelerdi jaýyp júrý týraly keńes berildi. Oqıǵa bolǵan aımaqta kólik qozǵalysy toqtatylyp, onda qazir ondaǵan órt sóndirýshi jedel járdem kólikteri jumys istep jatyr.
Keshirek Agerpres agenttigi eldiń tótenshe jaǵdaılar departamentine silteme jasap, jarylystan soń shyqqan órttiń sóndirilgenin, 700 metr qashyqtyqta turyp jatqan turǵyndar evakýatsııalanǵanyn habarlady.
Sýret - ria.ru
