Rýmynııada Djordj Býshtyń poshtasyn buzǵan haker ustaldy
ASTANA. 23 qańtar. QazAqparat - Rýmynııada 2013 jyly birqatar saıasatkerler, sheneýnikter men kásipkerlerdiń elektrondy poshtasyn buzyp kirgen haker tutqynǵa alyndy.
Rýmynııa polıtseıleri hakerdiń atyn atamaı, tek aty-jóniniń basqy áripterin ǵana aıtyp otyr. Hakerdiń Guccifer esimdi tanymal haker bolýy múmkin ekenin baspasózge aty-jónin qupııa qaldyrýdy ótingen prokýror málim etti.
Resmı derekterge sáıkes, hakerge rýmyndyq jáne basqa da tanymal tulǵalardyń «jeke málimetine qol suqty» degen aıyp taǵylǵan.
Al osy eldiń BAQ-tary Guccifer degen laqap esimniń artynda Marsel Lazar Lehel degen azamat tur dep jazyp jatyr. Ol 2012 jyly Djordj Býshtyń elektrondy poshtasyn buzyp, eks-prezıdenttiń jýynyp jatqan kezinde túsirilgen sýretin jarııalaǵany úshin qylmystyq jaýapkershilikke tartylǵan bolatyn.
