Rýmynııa jerinde Abaı áýenderi áýeledi

NUR-SULTAN. QazAqparat - Abaıdyń 175 jyldyq mereıtoıy aıasynda Rýmynııa kameralyq orkestri tanymal rejısser Krıstıan Mekelarýdyń jetekshiligimen qazaqtyń uly aqynynyń shyǵarmalaryn oryndady, dep habarlaıdy QazAqparat tilshisi.

Qazaqstannyń Rýmynııadaǵy mádenı kúnderi aıasynda ótken kontsert barysynda rýmyn jurtshylyǵy qazaq áýenin súısine tyńdap, syılyq retinde Abaıdyń rýmyn tiline aýdarylǵan qara sózderi kitabyn aldy.

Aıta keteıik, tamyzdyń 21-23 kúnderi Rýmynııanyń Klýj-Napoka qalasynda mádenı shara aıasynda osy elde turyp jatqan qazaqtyń tanymal jas sýretshisi Alýa Tebenovanyń kórmesi ashyldy. Munan bólek, rýmyn jurtshylyǵy qazaq halqynyń bastan keshirgen tarıhı oqıǵalary jaıynda syr shertetin «Qazaq handyǵy. Altyq taq», «Shyńyraý» jáne «Qunanbaı» fılmderin tamashalady.

Rýmynııa kameralyq orkestri klassıkalyq mýzykany álemdik deńgeıde ilgeriletin júrgen óner ujymy sanalady. Ansambl sapynda álemge tanymal orkestrlerdiń quramynda óner kórsetetin 21 rýmyn mýzykanty bar. Orkestr stsenarııi Aleksandrý Tomeský men Ladıslav Krıstıan Andreıdiń bastamasymen qurylǵan.