Rýmynııa prezıdenti Klaýs Iohannıs qaıta saılandy
NUR-SULTAN. QazAqparat – Rýmynııanyń qazirgi prezıdenti Klaýs Iohannıs memleket basshysy saılaýynyń ekinshi kezeńinde jeńiske jetti. Ekzıt-poll málimetinshe, oǵan saılaýshylardyń úshten eki bóligi daýys bergen. Jeksenbi kúni ótken saılaýǵa daýys berýge qatysqandar sany 50%-ǵa da jetken joq, dep habarlady Euronews.com.
Osylaısha, Iohannıs ekinshi ret bes jyl merzimge saılandy.
«Rýmyndar zamanaýı memleketti, eýropalyq Rýmynııany tańdady», - dep málimdedi ol.
Prezıdent daýys berýdiń aldynda eldi 30 jyl boıy basqarǵan sotsıal-demokrattardyń bılik etýin toqtatýǵa shaqyrdy. Iohannıs olardy «Rýmynııany eýropalyq joldan taıdyrýǵa» umtylyp jatyr dep aıyptady.
Memleket basshysynyń ekinshi kezeńdegi qarsylasy, eks-premer Vıorıka Denchıle «quqyqtar men bostandyqtar bolmaǵan kezde jáne barlyq bılik bir adamnyń qolynda bolǵan» ýaqytqa qaıta oralýǵa qarsy daýys bergenin atap ótti.
