Rýmynııa prezıdenti eliniń Moldavııamen birigýge nıetti ekendigin málimdedi
ASTANA. 28 qarasha. QazAqparat - Moldavııamen birigý Rýmynııanyń ishki saıasatyndaǵy NATO men EO-ǵa qosylǵannan keıingi úshinshi mańyzdy jobaǵa aınalady,
dep málimdedi Rýmynııa telearnalarynyń biriniń efırinde Rýmynııa prezıdenti Traıan Beseský. «Biz biryńǵaı memleket qurǵymyz keledi», - dedi ol.
Beseskýdiń pikiri «Shyǵys yntymaqtastyǵy» Vılnıýs sammıtiniń aldynda, keshe aıtyldy. Ol boıynsha Moldavııanyń Eýroodaqpen kelisimshartty parafırleýi josparlanǵan. Kelisimniń basty negizi - Moldavııanyń Eýroodaqpen erkin saýda aımaǵyn qurý.
