Rýmynııa Premer-Mınıstri baýyrynyń paraqorlyǵy úshin el prezıdentiniń otstavkaǵa ketýin talap etti
ASTANA. QazAqparat - Rýmynııa prezıdentiniń baýyry Traıana Beseský sybaılas jemqorlyq jasady degen kúdikpen tutqyndaldy, dep jazady rosbalt.ru.
«Traıana Beseský qylmys áleminde ataǵy shyqqan Sandý Angeldiń sotynda oń úkim shyǵartý maqsatynda sýdıa men prokýrorlarǵa para berip, satyp almaq bolǵan jerinen tutqyndaldy», - dep habarlady jýrnalısterge Ulttyq sybaılas jemqorlyqqa qarsy basqarmadan.
Ony tutqyndaý týraly sheshim osy aptanyń basynda jergilikti BAQ jasyryn kamera kómegimen túsirilgen beıne jazbany jurtshylyqqa taratyp jibergennen keıin qabyldandy. Onda Rýmynııa basshysynyń inisi syıaqyǵa kisi ólimi úshin sottalǵan Angel laqap atymen tanylǵan uryny túrmeden bosatýǵa ýáde beredi. Beınejazbada aıtylǵandaı, ol bul maqsatyna memleket basshylarynyń Rýmynııanyń Joǵarǵy sot kassatsııalyq palatasynyń tóraǵasyna yqpaly arqyly jetýdi josparlaǵan.
Osy oqıǵadan keıin janjal qatty ýshyǵyp, Rýmynııa Premer-Mınıstri Vıktor Ponta prezıdent «eýropalyq eldiń basshysy retinde mundaı oqıǵadan keıin otstavkaǵa ketýi tıis» dep málimdedi. Ol janjalǵa memleket basshysynyń qatystylyǵy dáleldense, basqarýshy odaq depýtattary ony parlament sotyna tartýǵa bastamashylyq etpek.
