Rýmynııa quramasynyń fýtbolshysy «Astanada» oınaıtyn boldy
ASTANA. QazAqparat - Fýtboldan Rýmynııa quramasynyń jartylaı qorǵaýshysy Dorın Rotarıým endi elordalyq «Astana» komandasy sapynda oıyn kórsetetin boldy, dep habarlaıdy QazAqparat tilshisi komandanyń baspasóz qyzmetine silteme jasap.
Dorın Rotarıým 1995 jyldyń 29 shildesinde Rýmynııanyń Tımıshoara qalasynda dúnıege kelgen. Úlken fýtboldaǵy alǵashqy qadamyn 2012 jyly atalmysh qalanyń «Polıtehnıka» komandasynda bastaǵan. 2013 jyly Býharesttiń «Dınamo» komandasynda jalǵastyrdy. 2017 jyldan bastap Belgııanyń «Brıýgge», «Mýskron», Gollandııanyń AZ «Alkmaar» komandalarynda oınady.
2013 jyldan beri Rýmynııanyń 19 jáne 21 jasqa deıingi jastar quramalarynda oıyn kórsetti. 2016 jyldan bastap sol eldiń ulttyq quramasy sapynda 9 kezdesýde jasyl alańǵa shyǵyp, Shvetsııa quramasynyń qaqpasyna bir gol soqty.
Budan buryn «Astana» komandasy qataryn 21 jastaǵy horvat qorǵaýshysy Lýa Shımýnovıch tolyqtyrǵan edi.
Esterińizge sala ketelik, «Astana» men «Qaırat» 3 naýryzda sýperkýbok oıynyn ótkizedi. Atalmysh kezdesý Almaty qalasynda ótkiziledi.
