Rýmynııa aýrýhanasynda órt bolyp, koronavırýstan emdelip jatqan 10 adam kóz jumdy
BÝHAREST. QazAqparat – Rýmynııada koronavırýs ınfektsııasyn emdeýge arnalǵan aýrýhanada órt bolyp, 10 adam qaza tapty. Taǵy birneshe naýqas qatty jaraqat aldy, dep habarlaıdy QazAqparat BBC silteme jasap.
Tilsiz jaý soltústik-shyǵystaǵy Pıatra-Nıamts qalasyndaǵy memlekettik aýrýhananyń qarqyndy terapııa bólimin jalmaǵan.
Naýqastardy qutqarmaq bolǵan kezekshi dárigerdiń denesin kúıik shalyp, aýyr hálde jatyr.
Rýmynııa Densaýlyq saqtaý mınıstri Nelý Tetarýdyń jergilikti BAQ-qa bergen málimeti boıynsha, órtke «elektr symdarynyń qysqa tuıyqtalýy sebep bolýy múmkin».
Sondaı-aq mınıstr Tetarý koronavırýsqa qarsy em alyp jatqan basqa naýqastardy ıAssy qalasyndaǵy basqa mekemege aýystyratynyn atap ótti.
Jergilikti BAQ habarlaýynsha, denesin qatty kúıik shalǵan kezekshi dáriger áskerı ushaqpen el astanasyna jetkizilgen.
«Jaraqat alǵan basqa da medıtsına qyzmetkerleri bar» dep atap ótti Tetarý. Sondaı-aq ol senbi kúni keshke aýrýhanada bolǵan jaǵdaıdan keıin Pıatra-Nıamtske bara jatqanyn aıtty.
Segiz naýqas ekinshi qabattaǵy órt paıda bolǵan bólimshede mert bolǵan, al ekeýi janyndaǵy palatada kóz jumdy. Barlyǵy koronavırýstan em alyp jatqan. Palatadaǵylardyń kóbi ókpeni jasandy jeldetý qurylǵysyna qosylǵan.
Densaýlyq saqtaý mınıstrliginiń málimetinshe, naýqastardy ıntýbatsııalaýǵa paıdalanylatyn ottegi túskennen keıin qyzyl jalyn tez tarap ketken degen boljam bar.
Pandemııa bastalǵaly Rýmynııada 350 000 koronavırýs juqtyrý oqıǵasy tirkeldi, 8813 adam kóz jumdy. Juma kúni elde 9 489 adamnyń koronavırýsqa shaldyqqany belgili bop, 174 adam ómirden ótti. 1 149 naýqas qarqyndy terapııa bólimshelerinde em alyp jatyr.
