Rýmynııa astanasynda júz myńǵa jýyq adam ereýilge shyqty
ASTANA. QazAqparat - Rýmynııada Chaýsheský bılikten ketken 30 jyldan keıin alǵash ret iri narazylyq sherýleri ótip jatyr, dep habarlaıdy euronews.com .
Eldegi qoǵam belsendileri qylmystyq kodekstegi ózgerister men raqymshylyq týraly úkimettik zańnamalarǵa qarsy ereýilge shyǵýda.
Polıtsııanyń habarlaýynsha, sársenbi kúni Býharest kóshelerine júz myńǵa jýyq adam shyqqan:
El astanasynan ózge iri qalalarda da narazylyq basylmaı tur. Polıtsııamen qaqtyǵysyp, jaralanǵandar da bar.
Sonymen birge, sherýshiler uzaq ári kúrdeli kelissózderden keıin bir buryn ǵana jumysyn bastaǵan úkimettiń otstavkaǵa ketýin talap etýde.
«Biz úkimettiń otstavkaǵa ketkenin qalamaımyz - olar daýys berýshilerge ýádeni úıip-tókken, myqty josparlar qurǵan, endi osynyń bárin oryndaǵanyn qalaımyz», - deıdi narazylyq aktsııasyn qoldaýshylar.
Quqyq qorǵaý organdary jaǵdaı baqylaýdan shyǵyp kete me dep qaýiptenip otyr.
Osy tusta Býharestte jappaı tártipsizdik jasaǵysy kelgen júzdegen fýtbol fanattary ustaldy. Polıtsııa olarǵa belgili bir kúshterdiń aqsha tólegenin málimdedi.
