Rýmynııa astanasynda «Nur-Sultan» saıabaǵy ashyldy
QR Syrtqy ister mınıstrliginen málim etkendeı, is-sharany Qazaqstannyń Rýmynııadaǵy Elshiligi Qazaqstan-Rýmyn Іskerlik keńesiniń jáne Býharest qalasy 1-sektor merııasynyń qoldaýymen ótkizdi.
Saıabaqtyń ashylýy Elorda kúnine jáne QR Tuńǵysh Prezıdenti - Elbasy Nursultan Nazarbaevtyń mereıtoıyna oraılastyrylǵan. Oǵan memlekettik organdardyń ókilderi, Rýmynııanyń qoǵamdyq jáne iskerlik toptary, dıplomatııalyq korpýs pen BAQ ókilderi qatysty.
«Aıtýly is-sharaǵa Nur-Sultan qalasy Esil aýdanynyń ákimdigi men Býharest qalasy 1-sektorynyń merııasy arasyndaǵy ózara túsinistik týraly Memorandým sebepker boldy», - delingen aqparatta.
Elshi Nurbah Rústemov óziniń alǵy sózinde Elbasynyń qazaq eline sińirgen eńbegi men aıryqsha jeke qasıetterine erekshe nazar aýdaryp, QR Tuńǵysh Prezıdentiniń arqasynda elimiz halyqaralyq sahnada joǵary deńgeıge qol jetkizgenin jáne qazirgi zamanǵy álem tarıhynda laıyqty orynǵa ıe bolǵanyn atap ótti.
«Baıandamashylar ekijaqty qatynastardyń damýyndaǵy oń dınamıkany, sondaı-aq «Nur-Sultan» saıabaǵynyń ashylýy dostas eki halyq arasyndaǵy mádenı-gýmanıtarlyq yntymaqtastyqty damytýdaǵy mańyzdy qadam retinde qarastyrylatynyn, Qazaqstan-Rýmynııa baılanystaryn tereńdetýdegi osyndaı mádenı ózekti oqıǵalardyń tarıhı mańyzdylyǵyna nazar aýdardy.
QR Tuńǵysh Prezıdenti - Elbasy N.Nazarbaevtyń 1998 jáne 2007 jyldary Rýmynııaǵa jasaǵan saparlary Qazaqstan-Rýmynııa qatynastaryna alǵash serpin bergen bolatyn. Sol ýaqyttan beri Rýmynııa Qazaqstanǵa 1,7 mlrd AQSh dollar ınvestıtsııalady. Eki el arasyndaǵy jyldyq taýar aınalymy búginde 1,8 mlrd AQSh dollaryna jetti», - delingen SІM málimetinde.
