Rýmyndyq hanshaıym qoraz tóbelestirgen aıybyn moıyndady
ASTANA. QazAqparat - Rýmyndyq hanshaıym Irına Ýoker men onyń zaıyby Djon Ýeslı Ýoker AQSh-tyń tyıym salynǵan aýmaǵynda qoraz tóbelestirgen aıyptaryn moıyndady.
Bul týraly Agence France-Presse habarlady. Amerıkalyq sot 22 qazanda otbasylyq jupqa úkim shyǵarady. Olarǵa shartty merzim jáne 200 myń dollar kóleminde aıyppul kózdelgen.
2013 jyly qýǵyndaǵy rýmyn koroli Mıhaı Birinshiniń qyzy jubaıymen birge Oregon ranchosynda qustar arasynda birneshe ret «jekpe-jek» uıymdastyrǵan. Buǵan adamdy neǵurlym kóbirek tartý úshin áteshterdiń aıaǵyna pyshaq baılaǵan. Bir kún ishinde eki myń dollardan astam paıda taýyp otyrǵan.
Eske sala ketsek, qazirgi kúni 92 jastaǵy rýmyn koroli Mıhaı Birinshi Shveıtsarııada turady. Ol bul taqqa 1927 jylǵy shildede bes jasynda otyrǵan. Kommýnıstik úkimet monarhııany joıǵan 1947 jyly ol Rýmynııaǵa emıgratsııalandy.
