Rýmynııanyń Konstıtýtsııalyq sotyna 4 mamyrdaǵy saılaý qorytyndysyn joıý týraly ótinish jiberildi

ASTANA. KAZINFORM – «Jańa Rýmynııa» partııasynan prezıdenttikke burynǵy kandıdat Sebastıan Popeský eldiń Konstıtýtsııalyq sotyna saılaýshylarǵa áleýmettik jelide «yqpal etý aktsııalaryna» baılanysty 4 mamyrdaǵy saılaý qorytyndylaryn joqqa shyǵarý týraly ótinish berdi, dep habarlaıdy TASS aqparat agenttigi. 

— 2025 jylǵy 4 mamyrda prezıdentti saılaý naýqany kezinde Rýmynııadaǵy TikTok paıdalanýshylaryna tek Nıkýshor Dan (Býharest meri) men Djordje Sımıondy (Rýmyndardy biriktirý ultshyldyq alıansynyń kóshbasshysy) kandıdatýralaryn nasıhattaıtyn qaıtalanatyn jáne kúdikti pikirler jiberý arqyly saılaýshylarǵa yqpal etý úshin úılestirilgen naýqan júrgizildi, — dep málimdedi saıasatker Hotnews portalyna.

Ol manıpýlıatsııalyq sıpattaǵy «qaıtalanatyn habarlamalar arqyly» saılaýshylar kimge daýys bere alatyny týraly «jalǵan áserde qalǵanyn» qosyp ótti. Popeský sondaı-aq baspasózdi «tek „tıisti“ bes kandıdat nemese olardyń ókilderi» qatysqan «saılaý aldyndaǵy pikirtalas arqyly zańsyz saılaýaldy úgit tájirıbesin» qoldandy dep aıyptady.

Prezıdenttikke burynǵy kandıdat jańalyq baǵdarlamalary «basqa altaýyn elemeı, tek bes kandıdatqa arnalǵanyn» atap ótti.

Konstıtýtsııalyq sot shaǵymdy osy aptada qaraıtyny atap ótildi, biraq naqty kúni belgisiz.