Rýmynııadaǵy ıAssy týrnıri: jarystyń 1-raketkasyn jeńgen Jibek Qulambaeva fınalǵa shyqty
ASTANA. KAZINFORM — Qazaqstandyq tennısshi Jibek Qulambaeva juptyq synda ıAssy (Rýmynııa) WTA 250 týrnıriniń fınalyna joldama aldy.
Qazaqstandyq tennısshi armenııalyq Alına Charaevamen birge jartylaı fınalda jarystyń 1-raketkalary, belgııalyq Magalı Kempen – reseılik Aleksandra Panovaǵa tap keldi.
Birinshi partııa 6:4 esebimen qazaqstandyq-armenııalyq juptyń paıdasyna sheshildi.
Ekinshi sette taı-breıkte Jibek pen Alına tarazy basyn aýdara bildi – 7:6 (7:3).
Bir saǵat 50 mınýtqa sozylǵan báseke barysynda Jibek Qulambaeva – Alına Charaeva eıs jasamaǵanymen, 7 breık-poınttyń altaýyn paıdalandy. Kempen – Panova 2 eıs, 5 breıkpen (7 breık-poınt) kózge tústi.
Osylaısha, sensatsııa jasaǵan Jibek Qulambaeva – Alına Charaeva fınalda reseılik Irına Hromacheva – chehııalyq Anna Detıýk nemese chehııalyqtar Domınıka Malechkova – Magdalena Skoh juptarynyń jeńimpazymen chempıondyq ataqqa talasady.
Qazaqstannyń ekinshi, álemniń 82-raketkasy ıÝlııa Pýtıntseva jekeleı synda shırek fınalda reıtıngide 97-oryndaǵy mysyrlyq Maıar Sherıfke jol berdi – 2:6, 6:3, 6:7 (5:7).
Sóıtip, ıÝlııa Pýtıntseva jartylaı fınaldan tys qaldy.
Eske salaıyq, budan buryn Jibek Qulambaevanyń Rýmynııadaǵy týrnırdiń jartylaı fınalyna joldama alǵanyn jazǵan edik.
Sondaı-aq Aleksandr Shevchenko Shveıtsarııadaǵy týrnırdiń shırek fınalynda oınaıdy.
