Rýmynııadaǵy prezıdentti saılaýda ásire ońshyl saıasatker Djordj Sımıon alda keledi
ASTANA. KAZINFORM — 4 mamyrda Rýmynııada prezıdent saılaýy qaıta ótti. Ekzıtpoll qorytyndylary belgili boldy, dep habarlaıdy BBC.
Qorytyndyǵa sáıkes, birinshi kezeńde «Rýmyndardy biriktirý alıansynyń» jetekshisi Djordj Sımıon 30-33 paıyz daýyspen alda keledi.
Aldyn ala málimet boıynsha, basqarýshy koalıtsııaǵa kiretin úsh partııadan (Sotsıal-demokratııalyq, Ulttyq-lıberaldyq jáne Rýmııandaǵy majarlar demokratııalyq alıansy) jalǵyz kandıdat — Býharest meri Nıkýshor Dan nemese Krın Antoneský ekinshi orynda tur. Qorytyndyǵa sáıkes, bul partııalar 21-23 paıyz daýys jınady jáne olardyń biri ekinshi týrǵa Sımıonmen birge ótedi.
Saılaýǵa barlyǵy 11 kandıdat qatysty. Ótken joly prezıdenttikke 13 úmitker bolǵan.
Bul Konstıtýtsııalyq sot ótken jyldyń qarashasynda reseıshil kandıdat Kelın Djorjeský jeńip alǵan báseke qorytyndylaryn joqqa shyǵarǵannan keıin elde prezıdent saılaýy ekinshi ret ótip jatyr.
Rýmynııa bıligi shetel memleketteriniń, ásirese Reseıdiń aldyńǵy saılaýlarǵa aralasqanyn rastaıtyn barlaý málimetteri bar ekenine sendirip otyr. Rýmynııanyń barlaý qyzmeti el Reseıdiń «agressıvti» gıbrıdtik áreketteriniń, sonyń ishinde kıbershabýyldar, aqparattyń taralýy jáne qaskúnemdiktiń nysanasy bolǵanyn málimdedi.
Bul joly Rýmynııanyń OSK Djorjeskýǵa saılaýǵa qatysýǵa ruqsat bergen joq, Joǵarǵy sotqa túsirilgen shaǵym da kómektespedi.
Birinshi týrdyń kóshbasshysy Djordje Sımıon saılaýda jeńiske jetetin bolsa, qyzmetten shettetilgen kandıdat Kelın Djordjeskýdy bılikke qaıtara alatynyn málimdedi.
– Rýmyn halqy qalasa, Djordjeský myrza basshylyq qyzmetke kele alatyn birneshe jol bar, jáne biz ol múmkindikterdi paıdalanamyz, – dedi Sımıon.
Ýltraońshyldar tanymaldylyǵynyń artýy
Djordje Sımıon óziniń birinshi raýndtaǵy jetistigine qatysty X áleýmettik jelisinde túsinik berdi.
— Daýys berýge (men úshin) bel býǵandardyń barlyǵyna shyn júrekten alǵys aıtqym keledi. Bul batyldyq, senim jáne yntymaqtastyq áreketi boldy. Men olarǵa rızamyn jáne olardyń senimine opasyzdyq jasamaıtynyna sendiremin.
Bul saılaýda másele osy nemese basqa kandıdat týraly emes, ótirik aıtylǵan, elenbegen, qorlanǵan, biraq áli de bolsa senýge jáne óziniń jeke basy men quqyǵyn qorǵaýǵa kúshi bar árbir rýmyndyq týraly bolyp jatyr, — dep málimdedi ol juma kúni.
Sımıon — Rýmynııa men Moldovanyń birigýin jaqtaýshy, sol úshin resmı Kıshınev oǵan birneshe ret elge kirýge tyıym salǵan. Sımıon sonymen qatar eýroskeptıtsızmmen jáne gomofobııalyq málimdemelerimen tanymal.
Buǵan deıin Rýmynııada prezıdent saılaýy qaıta ótip jatqany týraly jazǵan bolatynbyz.