Rýmynııada prezıdent saılaýy qaıta ótip jatyr

ASTANA. KAZINFORM - Búgin Rýmynııada saılaý ýchaskeleri ashyldy, dep habarlaıdy DW.

18 mln-ǵa jýyq saılaýshy tirkelgen, olar 19 myń saılaý ýchaskelerinde daýys bere alady. Shetelde rýmynııalyqtar daýys berýdi bastap ketti jáne ol qatarynan úsh kúnge sozylady. Prezıdent laýazymyna 11 úmitker tirkelgen. Eger 4 mamyr kúni olardyń eshqaısysy daýystardyń 50% astamyn ala almasa 18 mamyr kúni saılaýdyń ekinshi týry bastalady.

Osyǵan deıin qoǵamdyq pikirge jasalǵan saýalnamaǵa sáıkes, osy saılaýdyń favorıti ýltraońshyl kandıdat «Rýmyndardy biriktirý alıansy» oppozıtsııalyq qozǵalysynyń lıderi Djordj Sımeon bolatyn.

Onyń basty qarsylasy rýmynııalyq úsh saıasatker: Býharest meri Nıkýshor Dan, úkimet koalıtsııasynan kandıdat Krın Antoneský men eldiń burynǵy premer-mınıstri Vıktor Ponta.

Osyǵan deıin Rýmynııada prezıdent qaıta saılanatyn kún belgili bolǵany týraly jazdyq.