Rýmynııada COVID-19 pandemııasy kezinde qaıtys bolǵandar jerlengen oryn tabyldy
ASTANA. KAZINFORM – Rýmynııanyń ońtústigindegi Slatına qalasynyń mýnıtsıpaldyq zıratynan koronavırýs pandemııasy kezinde qaıtys bolǵan ondaǵan adamnyń súıegi men deneleri salynǵan qaptar tabyldy, dep habarlaıdy News.ro.
Polıtsııa adam qaldyqtarynyń qaıdan shyqqanyn jáne adamdardyń ólimine qatysty mán-jaıdy anyqtaý úshin tekserý júrgizip jatyr.
– Júzdegen adam súıegi tabyldy. Tergeý komıteti olardy saraptamaǵa alý úshin tárkiledi. Alaıda eń alańdatarlyǵy – qazba jumystary kezinde COVID-19 pandemııasy kezinen beri saqtalǵan, tolyq shirip úlgermegen máıitter salynǵan qaptardyń tabylýy, – dedi Slatına qalasynyń meri Marıo de Metstso.
Onyń aıtýynsha, adam qaldyqtary «erekshe tásilmen» jerlengen. Bul oqıǵanyń artynda qylmystyq sıpattaǵy jaǵdaı bolýy múmkin ekenin kórsetedi.
De Metstso Rýmynııanyń Tergeý komıtetin isti óte baıaý tekserip jatqany úshin aıyptady. Onyń aıtýynsha, ol bul jaǵdaı týraly quqyq qorǵaý organdaryna alǵash ret 3 qyrkúıekte habarlaǵan. Alaıda sodan beri is boıynsha birde-bir kúdikti anyqtalmaǵan.
Aıta keteıik, buǵan deıin Gaza sektorynda úsh jyl buryn qaza tapqan 55 adamnyń máıiti tabylǵanyn jazdyq.
