Rýmynııada aýa raıyna baılanysty joǵary qaýip deńgeıi jarııalandy
ASTANA. KAZINFORM — Rýmynııada aptap ystyqqa baılanysty búkil el boıynsha qaýiptiliktiń eń joǵary qyzyl deńgeıi jarııalandy, dep habarlaıdy Anadolu.
Rýmynııanyń Ulttyq meteorologııalyq qyzmeti temperatýranyń 38-40 gradýs deńgeıinde saqtalatynyn eskertti.
Vedomstvo aptap ystyq taǵy birneshe kún boıy saqtalatynyn, bul rette tamyz aıynda rekordtyq temperatýra bolýy múmkin ekenin atap ótti.
Rýmynııanyń qorǵanys mınıstri Radý-Dınel Mırýtse óz kezeginde qurǵaqshylyqqa qarsy kúres jumystary oń nátıje bergenin habarlady.
Buǵan deıin Rýmynııa áskerı kúshteri Dýnaı ózenindegi jartasty jaryp, Chernavode atom elektr stantsııasyna keletin sý aǵynyn kóbeıtýge tyrysty. Mundaı sheshim ózen sýynyń kúrt taıyzdanýynan keıin qabyldandy. Sý deńgeıiniń tómendeýi stantsııadaǵy energobloktardyń biriniń turaqty jumysyna qaýip tóndirgen.
Eske salaıyq, Dýnaı ózenindegi sý tartylǵanyna baılanysty Majarstandaǵy jalǵyz atom stantsııasy jumysyn toqtatty.
Osyǵan deıin Ulybrıtanııada aptap ystyq saldarynan azyq-túlik tapshylyǵy týyndaýy múmkin ekenin jazdyq.
Serbııa men Horvatııada aptap ystyqtyń jańa tolqyny bastaldy.
4 tamyzda Qazaqstannyń 17 oblysynda daýyldy eskertý jarııalandy.
