Rýmynııada aptap ystyqqa baılanysty dabyldyń qyzyl deńgeıi jarııalandy

ASTANA. KAZINFORM – Rýmynııada aptap ystyqtan qaýiptiliktiń qyzyl deńgeıi engizildi. Demalys kúnderi temperatýra Tselsıı boıynsha 42 gradýsqa jetti. Bul týraly Euronews jazdy.

Tótenshe ystyq qaýpiniń qyzyl deńgeıi Rýmynııanyń kóptegen ákimshilik okrýginde jarııalandy. Buryn-sońdy bolmaǵan ystyq eldiń biraz bóligine tarady. 

Demalys kúnderi kóptegen jerde, sonyń ishinde el astanasy Býharestte aýa temperatýrasy Tselsıı boıynsha 42 gradýsqa jetti. Dárigerler adamdarǵa saǵat 11.00-den 18.00-ge deıin úıde bolýǵa keńes beredi. 

Sınoptıkter jylý tolqyny kúsheıip, kem degende sársenbige deıin sozylýy múmkin dep eskertedi.