Rýmynııada 100 myńǵa jýyq adam tórt kún boıy sýsyz qalyp otyr

ASTANA. KAZINFORM — Rýmynııanyń ońtústigindegi onnan astam eldi meken juma kúninen beri sý berýdiń júıeleriniń qalpyna kelýin kútip otyr. Sý berý birneshe problemalardyń kesirinen toqtap qalǵan, dep habarlaıdy AZERTADJ Digi24-ke silteme jasap.

Rýmynııadaǵy Prahova men Dymbovıtsa aımaqtaryndaǵy 14 eldi mekende, ıaǵnı shamamen 100 myń adamda juma kúninen beri sý joq. Bul problema Paltıný kólinen sý tógilýine baılanysty týyndaǵan. Sýdy tógý jóndeý jumystary úshin jasalǵan, sebebi jańbyrdan keıin jabdyqtar isten shyqqan, dep jazady «Evropeıskaıa pravda».

Zardap shekken aýdandarǵa sý tasıtyn kólikter jiberilgen, sondaı-aq memlekettik qordan bótelkelerdegi sý berilip jatyr. Degenmen jergilikti dúkenderde sý tez taýsylyp jatyr.

Sýdyń joqtyǵyna baılanysty mektep oqýshylary onlaın oqýǵa aýystyryldy, al jergilikti medıtsınalyq mekemelerdiń jumysy shekteldi.

Eń nashar stsenarıı boıynsha, sý berý tek kelesi dúısenbi, 8 jeltoqsanda qalpyna keledi.

Rýmynııanyń Qorshaǵan ortany qorǵaý mınıstri Dıana Býzoıaný bul jaǵdaıdy «tek tehnıkalyq másele ǵana emes, kásibıliktiń joqtyǵynyń aıqyn dáleli» dep atady.

Budan buryn habarlanǵandaı, Rýmynııanyń qorǵanys mınıstri Ionýts Moshtıaný óz bilimi týraly jalǵan málimetterge qatysty shyqqan daýdan keıin otstavkaǵa ketti.