Rýmynııa men Gretsııada orman órtenip jatyr

ASTANA. KAZINFORM — Aptap ystyq pen jeldiń saldarynan Rýmynııa men Gretsııada orman órti órship tur, dep jazady Euronews.

Aptap ystyq pen qurǵaq aýa raıy Rýmynııanyń birneshe okrýginde orman órtine sebepshi boldy. Órt sóndirýshiler tilsiz jaýdyń turǵyn úılerge jetýine jol bermeý úshin barynsha tyrysyp jatyr.  Órttiń orman alqaptary arqyly taralýyna jol bergisi joq. 

Nıamts ýeziniń bıligi bir ýaqytta birneshe orman órti shyqqannan keıin úsh kún boıy joǵary daıyndyqta boldy. Keıbir aýdandarda sý tapshylyǵy bar.

Gretsııada órt sóndirýshiler men tótenshe jaǵdaılar qyzmeti osy beısenbide Afıny mańyndaǵy ormanda ornalasqan XII ǵasyrdaǵy monastyrda aýqymdy jattyǵýlarǵa qatysty. Maqsat — órt qaýpi joǵary maýsymǵa daıyndyq, ol ádette mamyr aıynda ótetin.

Alaıda naýryz aıynyń sońynda eldegi temperatýra Tselsıı boıynsha 30 gradýsqa jetip, orman órtteri josparlanǵannan birneshe apta buryn bastaldy.

Kún ótken saıyn artyp kele jatqan shamadan tys ystyqqa baılanysty Gretsııadaǵy orman órtteri de ýqymdy bolyp keledi. 2018 jyly Attıkadaǵy órt sońǵy 150 jylda eń qaýipti órt retinde tirkelip, júzden astam adamnyń ómirin qıǵan bolatyn.