Rýmen Radev: Qazaqstannyń ǵarysh salasyndaǵy jetistikterin kórip tańǵaldym
ASTANA. KAZINFORM – Aqordada Memleket basshysy Qasym-Jomart Toqaevpen kelissózderden keıingi birlesken málimdeme barysynda Bolgarııa Prezıdenti Rýmen Radev Qazaqstannyń ǵarysh salasyndaǵy jetistikterin kórip tańǵalǵanyn aıtty.
- Qazaqstan - strategııalyq seriktestigimiz, Ortalyq Azııa óńirindegi senimdi seriktesimiz. Qazaqstanmen uzaqmerzimdi dostyq qarym-qatynasymyz bar. Ol ózara senimge, qurmetke, qoldaýǵa negizdelgen qazirgi geosaıası jaǵdaıda, ártúril syn-qaterler kezinde Prezıdent Qasym-Jomart Toqaev myrzamen kez kelgen másele halyqaralyq quqyq negizinde jáne BUU jarǵysy negizinde sheshilýi tıis degen ortaq pikirge keldik, - dedi Bolgarııa Prezıdenti.
Sonymen qatar ol eki eldiń qol jetkizgen jetisterinen bólek áli de zor áleýeti bar ekenin basa aıtty.
- Elderimizdiń arasynda kólik, energetıka, tsıfrlandyrý, saýda-sattyq, ekonomıka men ınvestıtsııa salalarynda yntymaqtastyq áleýeti óte óor, Keshe Astanadaǵy Ǵarysh ortalyǵyna bardyq. Men Qazaqstannyń ǵarysh salasyndaǵy jetistikterin kórip tańǵaldym, - dedi Rýmen Radev.
Buǵan deıin Memleket basshysy Qasym-Jomart Toqaev Aqordada elimizge resmı saparmen kelgen Bolgarııa Prezıdenti Rýmen Radevti qarsy alǵanyn jazǵan edik.
Birlesken málimdeme barysynda Prezıdent Transkaspıı halyqaralyq kólik dálizine Bolgarııanyń Býrgas jáne Varna teńiz porttaryn qosý máselesi qarastyrylatynyn aıtty.