«Rýlde oqýshy bolǵan»: Mańǵystaýda kólik apatynan 2 jasóspirim mert boldy

AQTAÝ. KAZINFORM — Mańǵystaý oblysynda 4 oqýshy mingen avtokólik beton baǵanaǵa soǵylyp, 2 jasóspirim mert boldy.

Oblystyq polıtsııa departamentiniń málimetine saı, oqıǵa Túpqaraǵan aýdany Aqshuqyr aýylynda tańǵy saǵat 05:40 shamasynda bolǵan.

Apattan Aqshuqyr mektep lıtseıiniń eki 9-synyp oqýshysy qaıtys boldy.

Taǵy bir oqýshy aýrýhanaǵa jetkizilgen. Endi biri medıtsınalyq kómek qajet bolmaı, úıine jiberilgen. Olar da 8-9 synypta oqıtyn jasóspirimder.

Qazirgi sátte osy oqıǵaǵa qatysty qylmystyq is qozǵaldy. Tergeý talabyna saı, ózge málimet jarııa etilmeıdi. 

Aıta ketetin jaıt, jol kólik apatynan beton baǵanasy qulap, elektr jelisi úzilgen. Sonyń saldaryran Aqshuqyr eldi-mekeninde 43 turǵyn úı elektr jaryǵynsyz qalǵan. Qazir qalpyna keltirý jumystary júrgizilip jatyr.