Rýlde otyryp Instagram-ǵa Stories túsirgen áıel jaýapkershilikke tartyldy

NUR-SULTAN. QazAqparat – 22 shilde kúni áleýmettik jelilerge monıtorıng jasaǵan elordalyq polıtseıler jol qozǵalysynyń erejesin buzý faktisin anyqtady, dep habarlaıdy QazAqparat Polisia.kz portalyna silteme jasap.

Qaýipsizdik beldigin taqpaǵan áıel qalta telefonyn paıdalanyp óziniń Instagram-paraqshasyna Stories túsirgen.

Tártip buzǵan áıel QR ÁQB Kodeksiniń 593 jáne 591-baptary boıynsha ákimshilik jaýapkershilikke tartyldy.

Nur-Sultan qalalyq polıtsııa departamenti kólik júrgizýshilerge jol qozǵalysynyń erejeleri men jyldamdyq tártibin qatań saqtaý kerek ekendigin eskertedi. Bul júrgizýshilerdiń ózimen qatar, jolaýshylar men jaıaý júrginshilerdiń qaýipsizdigi úshin mańyzdy.