Ruqsat merzimi ótken qarýdy 10 shildege deıin alyp júrýge bolady
ALMATY. QazAqparat – Almatyda ruqsat merzimi ótken qarýdy saqtaýǵa jáne alyp júrýge 10 shildege deıin ruqsat berildi, dep habarlaıdy QazAqparat tilshisi.
Ákimshilik polıtsııa basqarmasynyń habarlaýynsha, QR ІІM nusqaýyna sáıkes, tótenshe jaǵdaı kezinde qarýdy saqtaýǵa jáne alyp júrýge berilgen ruqsat merzimi ótken azamattyq qarý ıeleri QR Ákimshilik quqyq buzý týraly kodeksiniń 486-babyna sáıkes osy jyldyń 10 shildesine deıin ákimshilik jaýapkershilikke tartylmaıdy.
«Sol kúnge deıin bul qujatty uzartýǵa bolady. Bul ereje kólik júrgizýshi kýáliginiń merzimi aıaqtalǵan júrgizýshilerge de qatysty. Elektrondyq tsıfrlyq qoltańbamen Egov elektrondyq úkimettiń portaly arqyly qujattardy almastyrýǵa bolady»,– dep tolyqtyrdy polıtsııadan.
