Ruqsat etilmegen saıttardy buǵattamaǵan: Túrkistan oblysynda 31 mektepke ákimshilik hattama toltyryldy
TÚRKІSTAN. KAZINFORM – Túrkistan oblysynda 31 mekteptiń basshylyǵy ruqsat etilmegen saıttardy buǵattamaǵany úshin jaýapqa tartyldy.
Jetisaı aýdany prokýratýrasynyń usynysy boıynsha óńirdegi 31 mektepke zańnama talaptarynyń buzylýy boıynsha ákimshilik hattama toltyrdy.
Basty sebep - bilim berý uıymdarynda ruqsat etilmegen saıttarǵa buǵat qoıylmaǵan. Sondaı-aq oqýshylar sabaq ýaqytynda balalardyń densaýlyǵy men damýyna zardabyn tıgizetin aqparattardy ashyp, ruqsat etilmegen saıttarǵa kirgen. Sabaq barysynda oqýshylar muǵalimderdiń baqylaýynda bolmaǵan, ıaǵnı, muǵalimder ózderiniń laýazymdyq mindetterin oryndamaǵan.
«Aldaǵy ýaqytta árbir mekemege 15 AEK kóleminde aıyppul salynady. Mektep basshylaryn zańnama talaptaryn qatań saqtaýǵa shaqyramyz!» - delingen Túrkistan oblysynyń bilim salasynda sapany qamtamasyz etý departamentiniń baspasóz qyzmeti usynǵan aqparatta.
