Ruqsat etilmegen jerge toqtaǵany úshin salynatyn aıyppul kólemi belgili boldy
ASTANA. QazAqparat - Kólik quraldaryn qańtarý nemese toqtaý tártibin buzǵan júrgizýshilerge salynatyn aıyppul kólemi belgili boldy, dep habarlaıdy «QazAqparat» tilshisi.
«QR ÁQBtK 597-babyna «Kólik quraldaryn toqtatý nemese toqtap turý qaǵıdalaryn buzý» sáıkes, avtoturaq aqysynan jaltarǵan júrgizýshilerge úsh AEK kóleminde, ıaǵnı 7215 teńge aıyppul salynady. Eger jyl kóleminde dál osy áreket taǵy qaıtalansa aıyppul 5 AEK bolady»,-dedi Astana qalalyq ІІD Ákimshilik polıtsııa basqarmasy basshysynyń orynbasary Symbat Shoqytaev.
Onyń aıtýynsha, arnaıy úlgidegi túbirtek Ákimshilik quqyqbuzýshylyq týraly Kodekstiń 822-1 babynyń 3-tarmaǵyna sáıkes, ákimshilik quqyqbuzýshylyq jaǵdaıy anyqtalǵan kúnnen bastap on kún ishinde kólik quralynyń júrgizýshisine nemese ıesine jiberiledi.
