Ruqsat etilmegen jerge beton tókken júrgizýshi 40 myń teńgeden artyq aıyppul tóleıdi
ASTANA. QazAqparat - Astana qalasynyń Jergilikti polıtsııa qyzmeti tabıǵat qorǵaý polıtsııasynyń qyzmetkerleri «Kamaz» kóliginen ruqsat etilmegen jerge beton tógý faktisin tirkedi.
Júrgizýshi qalǵan materıaldy Baıtursynov kóshesindegi qurylys nysanynyń aýmaǵyna tógip otyrǵan.
30 jasar «KAMAZ» júrgizýshisine qatysty abattandyrý erejelerin buzǵany úshin ákimshilik hattama toltyrylyp, 20 AEK mólsherinde (42420 teńge) aıyppul salyndyi. Sonymen qatar, tártip buzýshymen budan bylaı osy sııaqty faktilerge jol bermeý boıynsha profılaktıkalyq áńgimelesý júrgizildi.
Aıta keteıik, ústimizdegi jyldyń 8 aıynda Astana qalasynyń Jergilikti polıtsııa qyzmetimen ÁQBK 505-baby «Abattandyrý erejelerin buzý» boıynsha qatty turmystyq qaldyqtardy ruqsat etilmegen jerlerge tókkeni, qala aýmaǵyn lastaǵany úshin 66 júrgizýshi ákimshilik jaýapkershilikke tartylyp, úsh mıllıon teńgeden artyq aıyppul tóledi, dep jazady elorda ákimdiginiń resmı saıty.
