Ruqsat etilmegen mıtıngiler barysynda 80-ge jýyq adam ustaldy – mınıstr
NUR-SULTAN. QazAqparat – Іshki ister mınıstri Erlan Turǵymbaev 1 naýryz kúni elimizde zańsyz mıtıngiler ótkizýge tyrysqan 80-ge tarta adamnyń ustalǵanyn málim etti, dep habarlaıdy QazAqparat tilshisi.
«Bas prokýratýranyń birneshe márte jasaǵan eskertýine qaramastan, keshe azamattardyń bir bóligi tyıym salynǵan ekstremıstik uıym usynǵan oryndarda sanktsııalanbaǵan mıtıng ótkizýge tyrysty. Sol úshin polıtsııa qoǵamdyq tártiptiń buzylýyn aldyn alý sharalaryn júrgizdi. Osylaısha, ishki ister organdaryna, polıtsııa organdaryna 80-ge tarta azamat jetkizildi. Profılaktıkalyq jumystardan keıin bári úıine jiberildi. Tórt adam ákimshilik jaýapkershilikke tartyldy – biri aıyppul arqalasa, úsheýi qamaqqa alyndy. Olardyń ekeýi polıtsııa qyzmetkerlerine qarsylyq kórsetse, bireýi sanktsııalanbaǵan mıtıng uıymdastyrǵany úshin ustaldy», - dedi Erlan Turǵymbaev búgin Úkimet otyrysynan keıin tilshilerge.
Mınıstr óz sózinde azamattar úsh saǵattan artyq ustalmaǵanyn aıtady.
«Bizde beıbit jıyndar, sherýler men demonstratsııalar týraly zań bar. Ol jerde talaptar naqty jazylǵan. Beıbit jıyn ótkizgisi keletin azamattar atqarýshy bılik organdaryna ótinim berip, ruqsat alyp, oryny, ýaqyty men keletin azamattar sanyn aıqyndaýy kerek. Bul jaǵdaıda ol sharalar jasalmaǵan, ótinim berilmegen. Onyń ústine Bas prokýratýranyń 1 naýryzǵa baılanysty eskertpesi bar. Sondyqtan jıyn zańsyz boldy», - dedi ol.
Eske salaıyq, 28 aqpan kúni QR Bas prokýratýrasy qazaqstandyqtarǵa úndeý tastap, zańsyz mıtıngilerge qatyspaýǵa shaqyrǵan edi.
«Áleýmettik jelilerde zańsyz narazylyq aktsııalaryn ótkizýge shaqyrýlar taratylýda. Bul rette shyndyqqa janaspaıtyn, onyń ishinde áleýmettik jáne ulttyq alaýyzdyq pen arazdyqty qozdyrý belgilerimen aqparattar ornalastyrylýda. Zańsyz kópshilik is-sharalardy uıymdastyrý jáne oǵan qatysý Ákimshilik quqyq buzýshylyq týraly kodekstiń 488-baby boıynsha jaýaptylyqqa ákep soqtyratynyn eske salamyz. Osy árekettermen azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirilgen jaǵdaıda Qylmystyq kodekstiń 400-baby boıynsha jaýaptylyq kózdelgen.Áleýmettik jáne ulttyq arazdyqty qozdyrý, kórineý jalǵan aqparat taratýǵa jarııa túrde shaqyrý zańmen tyıym salynǵan jáne mundaı áreketter qylmystyq tártipte qýdalanatynyna nazar aýdaramyz (QK 174 jáne 274-baptary)», - delingen málimdemede.
