Ruqsat etilgen qarýmen jasalatyn qylmys sany órship tur - B. Bekjanov
TANA. 2 qarasha. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Berik Bekjanov Qazaqstan Respýblıkasynyń Premer-Mınıstri Kárim Másimov pen Іshki ister mınıstri Qalmuhanbet Qasymovqa depýtattyq saýal joldady.
«Kúndelikti qoǵamdaǵy jańalyqta «birin-biri atyp ketipti», «qarýmen qorqytypty», «qarý asynypty» degen sumdyq oqıǵalardy jıi estıtin boldyq. «Jekelegen qarý túrleriniń aınalymyna memlekettik baqylaý jasaý týraly» zańyna sáıkes azamattyq qarý respýblıka azamattarynyń ózin-ózi qorǵaýyna, sportpen shuǵyldaný jáne ań aýlaýǵa arnalǵan qarýlar jatatyny aıtylady. Alaıda, kúndelikti tájirıbe kórsetip otyrǵandaı jaraqat keltiretin patrony bar uńǵysyz atys qarýlaryn (osa, Strajnık jáne t.b.) azamattar qorǵaný úshin emes kóp jaǵdaıda qorqytý men úrkitý, buzaqylyq shoqparyna, ıaǵnı qylmys quralyna aınaldyrǵan», - deıdi Berik Bekjanov. Osy rette depýtat joǵarydaǵy máselelerge qatysty birqatar naqty mysaldardy da alǵa tartty. Ásirese jastar arasynda bundaı qatygezdiktiń, qarýmen jasalatyn qylmystyń órship otyrǵanyna alańdaýshylyq bildirdi.
Onyń aıtýynsha, sońǵy ýaqytta uńǵysyz qarýmen jasalatyn qylmystardyń sany kóbeıip otyr. Máselen, depýtattyń málimetine qaraǵanda, 2009- 2011 jyldary osy qarý túrin paıdalanyp orta eseppen bir jylda 120 qylmys jasalǵan (2009 jyly 105, 2010 jyly 142, 2011 jyly 115). Onyń ishinde 2009 jyly balalarǵa qarsy jasalǵan qylmys sany bireý, 2010 jyly- 4 bolsa, al 2011 jyldyń 9 aıy ishinde qylmys sany 9-ǵa deıin jetken. Balalarǵa qarsy atys qarýymen jasalǵan qylmys barlyq qylmystyń 0,11 paıyzyn quraıdy. «Qazir elimizde 16346 adam travmatıkalyq qarýdyń ıesi retinde tirkelgen, olardyń qolynda 17023 azamattyq qarý bar. Byltyrǵy jylmen salystyrǵanda qarý ıeleriniń sany 11 paıyzǵa joǵarylaǵan. Qylmystardy taldaý olardy jasaıtyn adamdardyń negizgi sanaty 25 jasqa deıingi jastar, buryn sottalǵandar, uıymdasqan qylmystyq toptyń músheleri ekendigin kórsetip otyr. Buǵan zańnyń ózi de jol berip otyr desek te bolady. Sebebi zańǵa sáıkes kez-kelgen 18 jasqa tolǵan Qazaqstan azamaty bul qarýdy ıemdenýge quqyly. Sonda keshe ǵana mektepti bitirgen búldirshin, stýdent bolǵan kezinde qarýmen júrýge quqyly degen sóz. Bul jastardyń arasyndaǵy barlyq túsinispeýshilikti qarý arqyly sheshýge alyp kelýde», - deıdi depýtat.
