Ruqsat berý qujattarynyń 13 túri joıylady - UB ókili
ASTANA. 12 maýsym. QazAqparat - Qarjy naryǵy salasynda ruqsat berý qujattarynyń 13 túri joıylady. Bul týraly búgin Májiliste «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Ulttyq Bankiniń qyzmetin uıymdastyrý, qarjy naryǵyn jáne qarjy uıymdaryn retteý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim boldy.
«Qarjylyq turaqtylyqty saqtaý maqsatynda ruqsat berý qujattarynyń sanyn azaıtý sharalary da zań jobasynda qaralyp otyr. Máselen, shetel valıýtalarymen aıyrbastaý operatsııalaryn júzege asyratyn uıymdardy ádilet organdarynda tirkeý ruqsaty joıylady. Osyǵan baılanysty basqa da u ıymdastyrý-tehnıkalyq is-sharalarynyń jáne basqalarynyń oryndalǵany týraly rastaıtyn qujattardy memlekettik tirkeý ruqsattary da joıylmaq», - dedi UB tóraǵasynyń orynbasary Bısenǵalı Tájiıaqov.
Onyń aıtýynsha, zań jobasyn qabyldaý Ulttyq bankke Elbasynyń lıtsenzııalyq-ruqsatnama qujattaryn 10 paıyzǵa qysqartý týraly tapsyrmasyn oryndaýǵa múmkindik beredi.
