Rýhııa Baıdúkendi jankúıerleri elorda áýejaıynan kútip aldy
NUR-SULTAN. QazAqparat – Búgin túnde elorda áýejaıynda «Vıtebskidegi Slavıan bazary» halyqaralyq baıqaýynyń jeńimpazy Rýhııa Baıdúkendi jankúıerleri kútip aldy, dep habarlaıdy QazAqparat tilshisi.
«Qazaq halqynaalǵysymdy aıtamyn. Eń bastysy, halqyńnyń mahabbatyn seziný, elińniń senimoıyndaýy emes pe? Jeńisimdi halqymmen birge toılaǵym keledi. Bala kezimnenbergi armanym edi bul. Búgin alǵa qoıǵan maqsatyma jettim», – dedi Rýhııa Baıdúken elorda áýejaıynda.
Buǵan deıin habarlaǵanymyzdaı, Rýhııa Baıdúken óz jeńisin qazaq eline arnaıtynyn aıtty.
Aıta keteıik , 14 memleketten kelgen qatysýshy slavıan elinen shyqqan kompozıtordyń týyndysyn slavıan tobyna jatatyn tildiń birinde orkestrdiń súıemeldeýimen oryndady. Baıqaý nátıjesinde jerlesimiz Gran-prı ıegeri atanyp, «Altyn lıra» músinshesimen birge 20 myń AQSh dollaryna ıe boldy.
Baıqaý jeńimpazy Rýhııa Baıdúkendi Memleket basshysy Qasym-Jomart Toqaev arnaıy quttyqtady.
Odan bólek, jas ánshini jeńisimen elimizdiń Mádenıet jáne sport mınıstri Aqtoty Raıymqulova da quttyqtady.
«Baıqaýǵa jalǵyz ózim bardym. Aldymen Belarýs astanasy Mınskide prezıdent orkestrimen daıyndyq ótkizdik, sosyn Vıtebskige bardyq. Baıqaý eki kúnge sozyldy, jeńiske jetetinime alǵashynda kúmándandym, sebebi qarsylastarym myqty boldy. Degenmen barynsha ózime senimdilik tanyttym», - deıdi ol.
