Rýhanı jańǵyrýǵa bólingen qarjy Parlamenttiń qatań baqylaýynda bolady
ASTANA. QazAqparat - 2018-2020 jyldary Qoǵamdyq sanany jańǵyrtý baǵdarlamasyna 54 mlrd. teńge jumsalady. Bul týraly búgin Aqordada ótken Rýhanı jańǵyrý jónindegi ulttyq komıssııa otyrysynan keıin BAQ ókilderine suhbat bergen QR Premer-Mınıstri keńsesiniń basshysy Nurlan Aldabergenov málim etti, dep habarlaıdy QazAqparat.
«Qazirgi ýaqytta Úkimet Qoǵamdyq sanany jańǵyrý baǵdarlamasyn júrgizý úshin 591 mln. teńge bólinip otyr. Bul aqsha memlekettik organdardyń kúzge deıin jumys isteýi úshin beriledi. Oǵan qosa kúzde jyldyń sońyna deıin taǵy 4 mıllard teńgege jýyq qarjy bólinedi. Úkimet 2018-2020 jyldarǵa 54 mlrd. teńge bólýdi josparlap otyr», - dedi Nurlan Aldabergenov.
Onyń aıtýynsha, bul qarjynyń jumsalýy bıýdjet arqyly, Parlament arqyly qatań baqylaýǵa alynady. Sonymen qatar baǵdarlama qarjysyna túzetýler engizý qajettigi týyndaıtyn bolsa, ol bıýdjettik komıssııa arqyly sheshiledi.
